8 сакавіка, Мінск /Кар. БЕЛТА/. “БЕЛДЖЫ” плануе ўдвая павялічыць колькасць робатаў на вытворчасці ў бягучым годзе. Аб гэтым паведаміў дырэктар СЗАТ “БЕЛДЖЫ” Генадзь Свідзерскі ў эфіры тэлеканала АНТ, паведамляе БЕЛТА.

Магутнасць “БЕЛДЖЫ” па фарбаванні кузаваў раней складала 60 тыс. у год, а пасля рабатызацыі стала 120 тыс. “І павялічваючы фонд заработнай платы, мы можам павялічваць аб’ём вытворчасці”, – адзначыў Генадзь Свідзерскі.

Першапачаткова на прадпрыемстве было 34 робаты, якія ўстанавілі пры ўводзе завода ў 2018 годзе. “Цяпер у нас ужо 70 робатаў. Што датычыцца бягучага этапу мадэрнізацыі, які праходзіць у гэтым годзе, іх колькасць, думаю, будзе недзе каля 140”, – падзяліўся дырэктар.-0-