Сёння адкрылася анлайн-рэгістрацыя на веламарафон «Соль Палесся», які ўжо 5-ы раз стартуе з Салігорска напярэдадні Дня шахцёра.

“Соль Палесся” збярэ аматараў доўгіх велазаездаў з розных куткоў краіны 16 жніўня – у 9.30 ад упраўлення “Беларуськалія”, тут жа ўдзельнікі будуць і фінішаваць.

Веламарафон складаецца з трох маршрутаў рознай складанасці: 40, 80 да 117 км. прызёры будуць вызначаны ў некалькіх узроставых катэгорыях.

Аматарскі марафон, ініцыятарам правядзення якога з’яўляецца “Беларуськалій”, з кожным годам набірае папулярнасць. Летась быў пастаўлены рэкорд – больш за 1000 удзельнікаў.

Зарэгістравацца на падзею можна на сайце 42195.by. Кошт рэгістрацыі: па 8 жніўня – 30 рублёў.