На апошнім у адыходзячым годзе пасяджэнні, якое правёў старшыня райвыканкама Мікалай Карповіч, абмеркавалі прагноз сацыяльна-эканамічнага развіцця раёна, а таксама разгледзелі праект бюджэту на 2025 год. У пасяджэнні прынялі ўдзел дэпутаты Палаты прадстаўнікоў Нацыянальнага сходу Рэспублікі Беларусь Аляксандр Шыпула і Руслан Касыгін.

Першы намеснік старшыні райвыканкама Мікалай Швайбовіч падрабязна спыніўся на кожным даведзеным паказчыку.

Мэтавымі паказчыкамі сацыяльна-эканамічнага развіцця Барысаўскага раёна на 2025 год з’яўляюцца: намінальная налічаная сярэднямесячная заработная плата і сукупныя паступленні даходаў у бюджэт у бягучых цэнах – 111,2 працэнта і 110,5 працэнта да 2024 года адпаведна; інвестыцыі ў асноўны капітал у супастаўных цэнах – 109% да мінулага года; нарматыў зніжэння ўзроўню затрат на вытворчасць і рэалізацыю прадукцыі, тавараў (работ, паслуг) – мінус 1,9 працэнта. Індыкатыўнымі паказчыкамі з’яўляюцца: вытворчасць валавой прадукцыі сельскай гаспадаркі – 102,1 працэнта да 2024 года; аб’ём будаўніча-мантажных работ – 108,4 працэнта да 2024 года; рознічны тавараабарот – 104,8% да 2024 года.

Мікалай Дзмітрыевіч падкрэсліў, што вызначальны ўклад у эканоміку раёна ўносіць сфера прамысловай вытворчасці: удзельная вага ў структуры агульнай выручкі складае больш за 85%. У 2025 годзе плануецца павялічыць аб’ём вытворчасці на 5,5 працэнта.

З найбольшымі тэмпамі будуць развівацца прадпрыемствы, від эканамічнай дзейнасці якіх – вытворчасць транспартных сродкаў і абсталявання, вытворчасць прадуктаў харчавання, вытворчасць асноўных фармацэўтычных прадуктаў і прэпаратаў; вытворчасць вырабаў з дрэва і паперы.

Даведачна: Па выніках студзеня – кастрычніка эканоміка Беларусі дэманструе стабільнасць, тэмп росту ВУП склаў 104,2%. Выконваюцца з перавышэннем чатыры з пяці найважнейшых паказчыка макраэканамічнага развіцця: узровень інфляцыі, рост ВУП, інвестыцый, рэальных даходаў насельніцтва. >Асноўныя фактары, якія вызначаюць пазітыўную дынаміку макраэканомікі: грашова-крэдытная палітыка, накіраваная на забеспячэнне цэнавай стабільнасці; апераджальны рост спажывання хатніх гаспадарак, які падтрымліваецца высокім узроўнем даходаў насельніцтва і пашырэннем ільготнага крэдытавання фізічных асоб для набыцця тавараў айчыннай вытворчасці; высокія тэмпы росту з боку прапановы (у большасці галін захоўваецца высокі ўзровень выпуску, нягледзячы на ​​некаторае запаволенне тэмпаў росту ВДС). Драйверамі росту выступілі прамысловасць, будаўніцтва, гандаль і транспарт.

Начальнік фінансавага ўпраўлення райвыканкама Вольга Іллюшонак расказала пра тое, як будзе фарміравацца бюджэт раёна на 2025 год.

Па традыцыі паседжання Барысаўскага райвыканкама праходзяць з асвятленнем пытанняў прафілактыкі карупцыйных праяў. Па гэтай тэме выступіла старшыня суда Барысаўскага раёна Юлія Паўленка.

Мікалай Карповіч павіншаваў усіх прысутных з надыходзячымі навагоднімі святамі і ўручыў шэраг узнагарод.

Трактарысту-машыністу сельскагаспадарчай вытворчасці 6 разраду ўчастка сельскагаспадарчай тэхнікі УП “Барысаўскі камбінат хлебапрадуктаў” ААТ “Мінскаблхлебапрадукт” Дзмітрыю Алексаву аб’яўлена Падзяка старшыні Мінскага аблвыканкама.

Ганаровай граматай Барысаўскага райвыканкама ўзнагароджана намеснік галоўнага ўрача Барысаўскай ЦРБ Вольга Гарадзецкая. Падзяка старшыні Барысаўскага райвыканкама аб’яўлена намесніку начальніка аддзела запісу актаў грамадзянскага стану раённага выканаўчага камітэта Аксане Цырлінай; начальніку аддзела культуры Барысаўскага райвыканкама Наталлі Скакун; намесніку дырэктара Палаца культуры імя М. Горкага Эльвіры Князевай; рэжысёру Палаца культуры імя М. Горкага Вользе Валаўнікавай; настаўніку Барысаўскай дзіцячай харэаграфічнай школы мастацтваў Наталлі Наеўскай; начальніку ўпраўлення па адукацыі райвыканкама Ірыне Садоўскай; галоўнаму спецыялісту аддзела дашкольнай і агульнай сярэдняй адукацыі ўпраўлення па адукацыі райвыканкама Анжэле Ляцкай.

На паседжанні райвыканкама таксама былі падведзеныя вынікі раённага агляду-конкурсу на лепшае навагодняе афармленне аб’ектаў сярод арганізацый усіх формаў уласнасці і ўласнікаў індывідуальных жылых дамоў.